HONDARKINEN KUDEAKETA
Euskal Hirigune Elkargoak ditu hondakinak kudeatzen.
- Etxe hondakinak astearte guziez bilduko dira.
- Bilketa selektiboa ostegunetan eginen da, aste bikoitietan (15 egunetatik).
Gomendatzen dizugu zure ontziak bezperan ateratzea, 20:00etatik goiti.
2023ko urtarrilaren 1etik goiti, Ipar Euskal Herriak urrats berri bat emanen du lurralde osoan bilketa selektiboaren inguruan: bereizketa manuak hedatuko dira estalki eta paper guzietara, hondakinen ingurumen-eragina murrizteko, hauek ahal bezain bat bereiziz. Helburua da, bilketa selektiboan 93 kilotik 100 kilora pasatzea biztanleka.
Estalkien eta paperen bereizketa sinplifikatuko da 2023an. Urtarrilaren 1etik goiti, etxeko estalki eta paper guziak nahas-mahas bota beharko dira gurpildun edukiontzietan edo edukiontzietan, zainduz ongi hustuak direla eta bata bestearekin ez direla lotuak.
Lehenago etxe-hondakinekin botatzen ziren estalki berri batzuk eta metalezko hondakin tipi batzuk bereizten ahalko dira: plastikozko zakuak eta zakutxoak, janari ontzixkak, janari mintzak, jogurt ontziak, esne-gain gordin ontziak, maionesa eta hortz-pasta hodiak, kafe kapsulak, metalezko ontzien eta berinazko ontzien tapakiak, erremedio tableta hutsak…
Berinazko estalkiak (botilak, ontziak, flaskoak, berinazko ontziak) aparte bereiziko diren ekai bakarrak izanen dira, usaiako edukiontzietan utziz. Salbu, haien plastikozko edo metalezko tapoiak eta estalkiak zikinontzi horian bereiztekoak dira!
Bukatzeko, konpostaketari esker, biohondakinak etxe hondakinen zikinontzietatik ken daitezke, zikinontzia arintzeko!
